حساء الطماطم والريحان

تغيير اسم ميدان "رابعة العدويه" لميدان "الشهيد هشام بركات".. !

الواحد حاسس اننا عايشين في حارة عوالم والله، كل ما تحصل حاجه نلاقي كل الاطراف بتطلع لسانها لبعض..

انتوا هتعملوا صورة صفرا جواها اربع صوابع؟ هنعملكوا صورة خضره جواها CC

انتوا هتعملوا ثورة دي ولا انقلاب؟ هنعملكوا احنا شعب وانتوا شعب

انتوا اغتلتوا كام قاضي؟ طب احنا هنحكم على قيادات الاخوان بالاعدام

أحمد منصور ألمانيا أفرجت عنه؟ طب احنا هنطلع أحمد موسى

الملك عبدالله مات وانتوا شمتانين فيه؟ طب احنا هنسمي شارع 45 في اسكندريه باسمه

انتوا بتحبوا أردوغان؟ طب احنا هنشتم أردوغان

هشام بركات قتلتوه؟ طب احنا هنطلق اسمه على ميدان رابعه العدويه

احنا عايشين فين يا جدعان ؟

وبعدين ميدان ايه اللي هيبقى اسمه هشام ده؟

يعني انت لو عاوز تروح محطة القطر مثلا هتسأل واحد يقوم قايلك انت تركب هشام ومن هناك تاخد اي حاجه رايحه رمسيس!

مش اسم موقف ميكروباصات ده خالص، ودي ماسمهاش دولة خالص.

‫#‏جمهورية_الموز‬