حساء الطماطم والريحان

السلام عليكم ورحمة الله وبركاته من فضلك نزلى المشكلة بدون اسمي أنا اختى متزوجه من 13 سنة ولم يكرمها الله بالخلفة والعيب من زوجها وهي صبرت معاه كتير واستحملت منه كتير المشكلة ان انا وهي مرتبطين ببعض جدا وهو بعاملها معاملة مش كويسة خالص وعلطول بيهنها وبيجي عليها مع ان هي بتشتغل ومش بتكلفة ثمن علاجها ولا اى تكاليف ليها بل بالعكس بتساعد معاه فى البيت يعني مش لاقيه منه اى مقابل كويس وكمان كل ما تحصل مشكلة يقلب عليا انا كمان علشان هي بتحبني فبيدايقها وبيمنعها عني ومش بيطيق ليا اي كلمة لأنه بيغير من حيها ليا ولأولادي واخر مشكلة كنا معزومين عند اخويا واول ما دخل كانو متخانقين مع بعض فى الشارع وكان جايب علبة حلويات واول مادخل راح واخد علبة الحلويات وراميها من البلكونة وسب الدين امام الجميع وحصلت مشكلة كبيرة ومحدش فتح بقة واهنها جامد امام الاطفال والكبار وقعد يقولها هاتي علبة السجاير يا زبالة وفى اليوم دا محدش فطر خالص ونكد علينا كلنا ومحدش علط فيه خالص وسيبناه يعمل اللى هو عايزة وبعد الفطار اخويا حب يصلحهم على بعض وانا كنت نزلت مشوار وهما قعدوا مع بعض وبعدين رجعت من المشوار لاقيتهم قاعدين فى الصاله وقعدت انا كمان وكنت على السلم انا وابن اخويا واختى الثانية وكنا بنضحك على موقف وطلعنا وكنا بنضحك هو بقى اتجنن ساب المشكلة كلها والناس اللى قاعدة ومسك فى الضحكة بتاعتي ولحد دلوقتى مش عايز يكلمني مع انى عملت معهاه ووقفت جمبه فى حاجات كتير واى خروجه نخرجها مع بعض انا واختى وهو كنا نوصلهم لغاية البيت انا وزوجي وندخل بيتنا اخر ناس واختى دلوقتى مش طايقاه علشان الزلم وعلشان اسلوبة وعلشان دماغه الصعبة وسب الدين عمال على بطال ومعاملته اللى هي مش معاملة بنى ادمين مع العمل انها كانت بتلتمسلة اعذار كتير وتقول نفسيته تعبانه علشان الخلفه وكدا وهي دلوقتي محتارة وعايزة رأيكوا اية الحل مع الراجل دا ونتعامل معاه ازاي واللهي زوجي كلمه امبارح علشان يهدي الأمور كلمة زوجي بأسلوب وحش وسب ليا ولأخت الدين اللى هي مراته مع العلم ان زوجي عمره ما ادخل فى اى مشكلة واول مرة يتصل بيه علشان يعاتبه